OSTFRIESISCHE LANDSCHAFT - REGIONALVERBAND FÜR KULTUR, WISSENSCHAFT UND BILDUNG
IMPRESSUM | TELEFONZENTRALE: +49 (0)4941 17 99 0
Landschaft von Ostfriesland
PLATTDÜÜTSK |
PLATTDÜÜTSK

 

Willkomen in dat Plattdüütskbüro!

 

Mooi, dat Ji even bi uns inkieken.

 

Wi setten uns daarför in, dat Oostfreesland mehrsprakig blifft.

 

Septembermaant is Plattdüütskmaant, in dit Jahr besünners! Twee heel belangriek Saken sünd nett up Tied klaar worden:

Buten uns bekannt Woordenbook van Gernot de Vries un uns Online-Woordenbook gifft dat van nu of an ok en heel kumpleet Grammatik. De Wetenskupper Wilko Lücht hett daar heel lang an warkt un verklaart daarin mit en Bült Bispillen, wat an de Grammatik van uns oostfreeske Spraak so besünners is. 

Hier mehr!

 

Ok nett in Septembermaant 2016 sünd twee Films klaar worden. De Journalistin un Filmemakerske Hanne Klöver ut Barßel hett de in de Updrag van de Oostfreeske Landskupp un de Plattdüütskbeupdraggten maakt. Cornelia Nath hett dat as Wetenskupperske begleidt. In beid Films geiht dat um frohe Mehrsprakigheid - eenmaal in Kinnergaarns, eenmaal in Grundscholen. Dat is heel interessant för Mesters/kes, Erzieherinnen un Erziehers un Ollen. De könen t. B. ok mooi bi Ollenavenden wiest worden. Beid Films gifft dat to Ankieken un Runnerladen bi youtube, de Links daarhen sünd hier:

 

Kinnergaarnfilm

Schoolfilm

 

Hier finnen Ji ok de Projektbericht van de Fachhoogschool Emden to de Umfraag "Feststellung der plattdeutschen Sprachkompetenz und des plattdeutschen Sprachverstehens von Schülerinnen und Schülern sowie Lehrerinnen und Lehrern der Klassenstufen fünf und sechs an allgemeinbildendnen Schulen in Ostfriesland"

Kiekt daar man even na, wat bi de Umfraag rutkomen is!

 

Kiekt ok in dat

"Plattdeutsch-Hochdeutsche

Online-Wörterbuch für Ostfriesland",

http://www.platt-wb.de/

 

 

Ji bruken Kuntakten of Informationen? Ji willen weten, wo en Woord schreven of oversett word? Denn roopt even an of stüürt uns en schreven Böskupp!

 

Höör doch even rin!

KALENDER
Events