OSTFRIESISCHE LANDSCHAFT - REGIONALVERBAND FÜR KULTUR, WISSENSCHAFT UND BILDUNG
IMPRESSUM | TELEFONZENTRALE: +49 (0)4941 17 99 0
Landschaft von Ostfriesland
Kinnergaarns |

Mehrsprakig Kinnergaarn - Mehrsprachiger Kindergarten

 

Achtergrund
2004 hett de Europäisk Union en groot Programm för dat Sprakenlehren rutbrocht. Elke EU-Börger sall in Tokummst minnstens dree Spraken lehren: de Amtsspraak, en Weltspraak un en lüttje Spraak (Nahspraak). Mit Plattdüütsk as Nahspraak kunn Oostfreesland dit fix berecken.

Butendeem weten wi vandaag, dat de eerste Levensjahren (0 – 8 Jahr) för dat Sprakenlehren heel wichtig sünd (mehr in de Broschüre „Die Zukunft ist mehrsprachig“ bi „To Runnerladen“).

In Oostfreesland warken over 60 Kinnergaarns elke Dag mit Plattdüütsk. Faak kummt daar ok noch de Kuntakt mit Engelsk to. De Uttekens sölen daarto bidragen, dat dit Wark bekannt un anerkannt word.

 

Well kann uttekent worden?

De Utteken kriegen Kinnergaarns, de Plattdüütsk as Olldagsspraak bruken, so dat de Kinner de Spraak as Olldagsspraak lehren. Spraakkuntakten of de frohe Frömdsprakenunnerricht hören daar neet to. De Utteken gellt neet blot för Plattdüütsk, man för elke Spraak, de as Olldagsspraak anboden word.

To de Utteken hört en Plakette, en Urkunn un en Geldgaav. De Utteken gellt för fiev Jahr un word denn nakeken. So mutten de Inrichtens daarför sörgen, dat se unner dat faste Personaal alltied Erzieher/innen of Mesters/kes hebben, de de tweede Spraak good proten of snacken.

 

2016 hebben de AWO-Kinnergaarn Krummhörn-Manslagt, de Ev.-luth. Kinnergaarn Klostermoor in Rhauderfehn, der Kinnergaarn Pusteblume in Simonswolde un de KiTa Wirbelwind ut Auerk de Utteken kregen.

 

 

 

 

2014 hebben de Kinngergaarn "Flohkiste" ut Moordörp, de Ev.-ref. Kinnergaarn "Lüttje Eiland" ut Visquard, de Kinnerschutzbund Wittmund, de Kinnergaarn "Lüttje Hoppelkes" Uthwerdum, de DRK-Kinnergaarn Theene, de Integrationskinnergaarn Grootheid un de Kinnergaarn "Sonnenschein" van dat Sozialwark Nazareth ut Nörden de Utteken kregen.

Presse 2012

 

 

2012 gung de Utteken an de Kinnergaarn Loquard, de AWO-Kinnergaarn Uttum, de KiTa "Moordörper Nüst" un de AWO-Kinnergaarn Rechtsupweg.

 

 

 

2010 kregen de DRK-Kinnergaarn Moordörp, de Kinnergaarn „Die kleinen Strolche“ in Pewsum, de Kinnergaarn Pilsum, de Ev.-Ref. Kinnergaarn „Leuchtturm“ in Wybelsum (Emden) un de Waldkinnergaarn Wiesmoor de Utteken.

 

 

2008 gung de Utteken an de Waldkinnergaarn "Fliegenpilze" in Auerk, an de KVHS Kindertagesstätte "Mittendrin" in Nörden, an de Kinnergaarn "Klecks" in Leer, an de AWO-Kinnergaarn Groothusen un an de Kinnergaarn Engerhaaf.


2006 wurr de Utteken för ’t eerste Maal utgeven. Se gung an de Kinnergaarn Aardörp, de Kinnergaarn Midlum,  de Ev.-luth Kinnergaarn in Vitterbuur un de Kinnergaarn „Rappelkiste“ in Wall (Auerk).

 

 

 

 

 

 

 

 

KALENDER
Events